Bihar irekiko du Galdakaoko Musika Eskolak izena emateko epea

Udal Musika Eskolak 4 maila eskaintzen ditu, musikarekin lehen harremana izateko mailan hasi, eta hobekuntzarako mailara arte. Adinari dagokionez, matrikularen urte naturalean 5 urte betetzen dituzten haurrek eta adin horretatik gorakoek ikasi ahalko dute eskolan.

Horrez gain, 14 urtetik gorakoentzako edo II. maila gaindituta dutenentzako tailerrak ere eskaintzen ditu Maximo Moreno Musika Eskolak, eta errefortzu eskolak erregimen arautura (kontserbatorioa) sarbidea egiteko probak gainditu nahi dituztenentzat. Musika Eskolak beste espezialitate batzuk ere eskaintzen ditu, aldez aurretik musika-ezagutzak izan ala ez, hala nola batukada edo koru afizionatua. Konboa ere eskaintzen da (rock, jazz eta abarreko instrumentu taldeak), eta II. maila gaindituta edo ezagutza baliokideekin sartu ahal izango da. Azkenik, Maximo Moreno Musika Eskolak musika egokituko gela (hezkuntza berezia) eta musikoterapia eskaintzen die ikasleei, 5 urtetik aurrera. Horietan parte hartzeko, aldez aurretik elkarrizketa bat egin beharko da onarpen prozesuan. Azken modalitate horretan, astean 90 minutuko talde-eskolak egingo dira, taldeko kideen ezaugarrien arabera, edo banakako eskolak, 30 edo 60 minutuko "tailer" modalitatean, ikastetxeak baloratu beharrekoak, bai eta banakako teklatu saioak irakasleak egoki iritziz gero.

Matrikulazioarekin batera, Galdakaoko Udal Musika Eskolan ikasten ari diren galdakoztarrek diru laguntzak ere eska daitezke. Laguntza hauen helburua da ikasle galdakoztarrek zerbitzua jasotzeko ordaindu behar duten prezio publikoaren zati bat konpentsatzea, ikasleen familiaren egoera ekonomikoa eta bizikidetza-unitateko kide kopurua aintzat hartuta. 

Prestakuntza-eskaintza osoa, instrumentuak barne, bai eta dirulaguntzei eta online matrikulazioari buruzko informazioa ere, eskuragarri egongo da maiatzaren 2tik 24ra webgunean.